Beint leiarkerfi vefsins
Gula Lnan

Umrubor


Hfundur: hsmir
Pstfang: ekki skr
Dagsetning: 20.12.2006, kl. 23:32:59
Fyrirsgn: Takið eftir verðmuninum - pössum okkur í innkaupun
Korkur: Mikill verðmunur var á jólamatnum milli verslana þegar verðlagseftirlit Alþýðusambands Íslands kannaði verð í verslunum á höfuðborgarsvæðinu í hádeginu í dag, miðvikudag. Bónus var oftast með lægsta verðið í könnuninni eða á 22 af þeim 40 vörutegundum sem skoðaðar voru. Verslun 11-11 var oftast með hæsta verðið eða í 19 tilvikum.

Mestur verðmunur var á konfekti og drykkjarvörum en einnig reyndist mikill verðmunur á laufabrauðinu, smákökunum og jólakjötinu. Munur á hæsta og lægsta verði á jólakjötinu var oftast á bilinu 25% - 30% en ASÍ segir áberandi hve algengt sé að verslanir séu með sama verð á þessum vörum.

Verðmunur á konfekti reyndist allt að 131% á einu kílói af Lindu konfekti sem var ódýrast 995 krónur í Fjarðarkaupum en dýrast 2299 krónur í Hagkaupum sem er 1304 króna verðmunur. Ríflega 1100 króna verðmunur var á einu kílói af Nóa konfektmolum sem kostuðu 1898 krónur í Bónus þar sem þeir voru ódýrastir en 2999 krónur í 11-11 þar sem þeir voru dýrastir. Verðmunur á gosi og maltöli var oftast um eða yfir 60% en mestur reyndist munurinn á 1,25 lítra flösku af Egils hvítöli sem var ódýrast 133 krónur í Nettó en dýrast 299 krónur í 11-11.

Hangikjöt og hamborgarhryggir eru meðal þeirra kjötvara sem eru verðmerktar með smásöluverði hjá framleiðanda en slík forverðmerking bönnuð, að sögn ASÍ og ætluð til þess að hafa hamlandi áhrif á eðlilega verðsamkeppni. Tilboð eru víða í verslunum á þessum vörum nú fyrir hátíðarnar og verðbreytingar tíðar og segir ASÍ að neytendur ættu því að vera vel vakandi fyrir því á næstu dögum.

Könnunin var gerð í eftirtöldum verslunum: Bónus Helluhrauni 18, Krónunni Jafnaseli 2, Nettó í Mjódd, Kaskó Vesturbergi 76, Hagkaupum Smáralind, Nóatúni Furugrund 9, Samkaupum- Úrval Miðvangi 41, Fjarðarkaupum Hólshrauni 1b, 10-11, Laugalæk 9, 11-11, Drafnarfelli 1-5 og Samkaupum-Strax, Hófgerði

Svara essum korki
Aftur umruefni
Aftur forsu umrubors




Netspjall